Naalagaaffiup Sinniisoqarfia

Kalaallit Nunaanni Naalagaaffiup Sinniisoqarfia aaqqissuussaanikkut Naalagaaffiup ministeriuneqarfiata ataani inissisimavoq.

Kalaallit Nunaanni naalagaaffiup sinniisua Kalaallit Nunaanni naalagaaffimmi qullersaalluni sinniisuuvoq Namminersorlutillu Oqartussanut nalagaaffimmilu oqartussanut attaveqaataalluni. Isumaqatiginninniarnerni naalagaaffiup sinniisua peqataaqqullugu Namminersorlutik Oqartussat kajumissaarsinnaavaat. Aamma Namminersorlutik Oqartussat inatsisiliatik akuersissutaasut naalagaaffiup sinniisuanut piaartumik nalunaarutigisussaavaat.

Naalagaaffiup Sinniisoqarfiata aammattaaq suliassarai:

  • Piffissat aalajangersimasut pillugit nalunaarusiat Ministeriuneqarfimmut ingerlatinneqartussat, Inatsisartut ataatsimiinerini najuuttarneq tamannalu pillugu Ministeriuneqarfimmut nalunaarusiortarneq Inatsisartullu oqaluuserisaat pillugit ministereqarfinnut attuumassuteqartunut allanut nalunaarusiortarneq
  • Qullersatut oqartussaasutut suliaqarneq, ilaqutariit inatsiseqartitaanerannut tunngasunik Danmarkimi naalagaaffiup ingerlatsiviini periaatsit assigalugit.
  • Kunngikkormiut, Folketingimut Danmarkimilu naalakkersuisunut ilaasortat allallu Kalaallit Nunaannut tikeraarnissaannut pilersaarusioqataaneq ingerlatseqataanerlu tamakkununngalu atatillugu ataatsimiittarnerni peqataaneq.
  • Naalagaaffik sinnerlugu oqartussat Kalaallit Nunaanni najugallit periaatsit pingaarutillit pillugit Namminersorlutik Oqartussanut saaffiginnissutissaannik ataqatigiissaarineq.
  • Danskit naalagaaffianni innuttaasut Kalaallit Nunaanni najugallit Pituffimmiikkallarnissaannut akuersissutiliorneq.
  • Folketingimut Kalaallit Nunaanni qinersititsineq aamma Foketingip aalajangigaanik inunnik taasisitsineq.
  • Innuttaasutut nalunaarsugaaneq pillugu naammagittaalliuutinik aalajangiisarneq.
  • Kunngip nersornaasigassaannik inassuteqartarneq (ridderordener, medaljer og hæderstegn).

Aammattaaq naalagaaffiup sinniisua pinngitsoorani siulersuisuni ilaasortaassaaq uani Kulturfonden Danmark-Grønland.

Nittartakkat nalunaarsorneqarfiannik akuersineq

Kisitsisinik katersuinissamut aamma qarasaasiamik atuisut nuannersumik misigisaqarnerulernissaannut qupperneq manna nittartakkat nalunaarsorneqarfiannut atortarpoq.

Nittartakkami ataani taaneqartumi nittartakkat nalunaarsorneqarfiat pillugu paasiniaagit:

Cookie politik