Ilaqutariit inatsiseqartitaanerannut tunngasut

Kalaallit Nunaanni Naalagaaffiup Sinniisoqarfia ilaatigut averusernermut avinnermullu akuersissutinik tunniussisarpoq, meeqqanut akilersuutit pillugit isumaqatigiissusiortarpoq aamma qitornavissiartaarnermut akuersissutinik tunniussisarluni kiisalu atermut uppernaasaatikkut atermik allannguineq akuersissutigisarlugu.

Naalagaaffiup Sinniisoqarfia Nuummi kisimi allaffeqarpoq. Taamaattumik illoqarfinni allani najugallit politiinut saaffiginnittassapput Naalagaaffiullu Sinniisua sinnerlugu tassani suliassat isumagisarlugit.

Aappariigunnaarnermi atugassarititaasut pillugit aappariit isumaqatigiinngippata averusernissaq avinnissarluunniit akuersiissutigineqarsinnaanngilaq. Taamaattumik aappariit isumaqatigiinngitsut najukkami eqqartuussivimmut toqqaannartumik saaffiginninnertik iluaqutigisinnaavaat. Aamma aappariit akuerisaallutik avinnissartik averusernissartilluunniit isumaqatiginngikkunikku najukkami eqqartuussivimmut saaffiginnissinnaapput.

Ilaatigut suliaqarfiit ‘ inuit ataasiakkaat pillugit inatsiseqartitsineq’, ‘ilaqutariit pillugit inatsiseqartitsineq’ aamma ‘eqqartuussisarneq’ suli Namminersorlutik Oqartussanit tiguneqanngillat. Taamaattumik aappariit meeqqallu akornanni pissutsit aamma qitornavissiartaartarnerit aqqillu naalagaaffiup inatsisaasigut aaqqiivigineqartarput, soorluttaaq inuttut oqartussaassuseqanngitsut aningaasaataat aamma nammineq aningaasartuutiginagu eqqartuussisulersuussinermut aningaasaliissutit naalagaffiup inatsisaasigut aaqqiiviginedqartartut. Suliat taama ittut Kalaallit Nunaanni Naalagaaffiup Sinniisoqarfiata suliarisarpai. Averusernermut avinnermullu aamma qitornavissiartaarnermut, atit allanngortinnerannut akuersissutit kiisalu meeqqanut akilersuutit pillugit isumaqatigiissutit naalagaaffimmi tamarmi nunanilu allani tamakku pillugit isumaqatigiissuteqarfigisani atuupput.


Nittartakkat nalunaarsorneqarfiannik akuersineq

Kisitsisinik katersuinissamut aamma qarasaasiamik atuisut nuannersumik misigisaqarnerulernissaannut qupperneq manna nittartakkat nalunaarsorneqarfiannut atortarpoq.

Nittartakkami ataani taaneqartumi nittartakkat nalunaarsorneqarfiat pillugu paasiniaagit:

Cookie politik