Pituffimmi aqqusaartarneq

Pituffimmut/Thule Air Basemut aqqusaarneq

Pituffimmi/Thule Air Basemi sakkutooqarfimmut sakkutooqarfilluunniit aqqusaarlugu angalanerit eqqarsaatigalugit killilersuutit immikkut ittut atuupput. Taamaalillutik angalasut tamarmik uninngaarnissamut immikkut akuersissummik peqassapput, tak. Kalaallit Nunaanni angalasinnaatitaaneq atugassarititaasullu pillugit nalunaarut nr. 138, 8. februar 2010-meersoq.

Inuit uninngaarnissamut akuersissummik peqanngitsut iseqqusaanngin-nissartik utertitaanissartilluunniit naatsorsuutigisinnaavaat.

Aqqusaarnissamut/uninngaarnissamut akuersissut

Aqqusaarneq nal. akunneri 24-t inorlugit sivisussuseqartarpoq. Uninngaarneq nal. akunneri 24-t sinnerlugit sivisussuseqartarpoq.

Inuit Pituffimmi/Thule Air Basemi sakkutooqarfikkoorlutik angalaniartut aqqusaarnissamut/uninngaarnissamut akuersissummik peqassapput.

Inuit uku aaqusaarnissamut/uninngaarnissamut akuersissummik peqartariaqanngillat:

· NATO-mi sakkutuut: NATO’p sakkutuuinut ilaasortat taakkualu ilaqutaat, Kalaallit Nunaata illersorneqarnissaa pillugu Danmarkimi aamma Amerikami Naalagaaffeqatigiinni naalakkersuisut isumaqatigiissutaat 27. april 1951-imeersoq kingorna allannguutitalik imaluunniit NATO’p suliniutai allat naapertorlugit suliaqarnermut atatillugu Kalaallit Nunaanni sakkutooqarfimmiinnissaat pisariaqartutut isigineqarpat,

· Suliartortitaagallartut: Sulisut inuinnaat, sakkutooqarnikkut oqartussanit pineqartunit imaluunniit taakkua arlaannit ataatsimit ingerlatseqatigiiffimmit namminersortumit USA-mit aallartitat takkualu ilaqutaat, Kalaallit Nunaata illersorneqarnissaa pillugu Danmarkimi aamma Amerikami Naalagaaffeqatigiinni naalakkersuisut isumaqatigiissutaat 27. april 1951-imeersoq kingorna allannguutitalik imaluunniit NATO’p suliniutai allat naapertorlugit suliaqarnermut atatillugu Kalaallit Nunaanni sakkutooqarfimmiinnissaat pisariaqartutut isigineqarpat,

· Danskit kalaallillu oqartussaasuinut sinniisuutitat,

· Unuit Qaanaami eqqaanilu aalaakkaasumik najugallit: Inuit Kalaallit Nunaanni allorniusat sanimukartut 75 grader N avannaani aamma allorniusat ammukaartut 63 frader W kitaani inuit nalunaarsorsimaffinni najugaqallit,

· Inuit danskit naalakkersuisuinit sakkutooqarfimmiinnissamut immikkut piginnaatinneqartut, kiisalu

· Inuit amerikamiut naalakkersuisuinit sakkutooqarfimmiinnissamut immikkut piginnaatinneqartut.

Qinnuteqaatit naalagaaffiup sinniisoqarfiata Pituffimmi/Thule Air Basemi Arktisk Kommandos Forbindelsesofficerimut oqaaseqaateqarfigeqqullugit saqqummiutissavai akuersissutillu nalunaarutiginissaat pillugu Forbindelsesofficeri ilisimatitsissuteqassalluni.

Aqqussaarnissamut uninngallarnissamullu akuerineqarnissamik qinnuteqaatit

Danmarkimi innuttaassusillit Kalaallit Nunaanni najugallit aqqusaarnissamut akuereqqullutik qinnuteqaataat naalagaaffiup sinniisoqarfiata suliarisarpai.

Aqqusaarnissamut akuerineqarnissamik suliat allat tamarmik aamma uninngagallarnissamik akuerineqarnissamik suliat tamarmik Nunanut Allanut ministereqarfimmit suliarineqartarput. Danmarkimi innuttaassuseqaruit Kalaallillu Nunaanni najugaqaruit immersugassaq una atussavat qinnuteqaatillu naalagaaffiup sinniisoqarfianut nassiutissallugu.

Sakkutooqarfimmut aallarnissat kingusinnerpaamik sapaatip akunneranik ataatsimik sioqqullugu qinnuteqaatit naalagaaffiup sinniisoqarfianit tiguneqareersimassaaq

Nittartakkat nalunaarsorneqarfiannik akuersineq

Kisitsisinik katersuinissamut aamma qarasaasiamik atuisut nuannersumik misigisaqarnerulernissaannut qupperneq manna nittartakkat nalunaarsorneqarfiannut atortarpoq.

Nittartakkami ataani taaneqartumi nittartakkat nalunaarsorneqarfiat pillugu paasiniaagit:

Cookie politik